Skráning hafin

Vakin er athygli á að skráning á Strandbúnað 2017 er hafin og með því að fara inn á slóðina HÉR er hægt að skrá sig. Ein af málstofunum sem verða á Strandbúnaður 2017 er Framtíð í bleikjueldi á Íslandi.  Í málstofunni verður gefið yfirlit yfir stöðu íslensk bleikjueldis í alþjóðlegu samhengi. Ísland er leiðandi í bleikjueldi á heimsvísu og sem felur m.a. í sér að við þurfum að hafa frumkvæði í rannsókna- og þróunarstarfi s.s. kynbótum, fóðurmálum og heilbrigðismálum til að tryggja framgang og samkeppnishæfni greinarinnar. Hvernig höfum við staðið okkur og hverjar eru helstu áskoranir á næstu árum?  Kynbætur og hrognaframleiðsla leggja grunn að áframhaldandi uppbyggingu bleikjueldis á Íslandi en skiptar skoðanir eru um í hve miklu mæli kynbótastarfið hefur skilar sér inn í rekstur bleikjueldisfyrirtækja. Hver stefnum við með rannsóknarvinnu og þróunarstarf?  Er það að endurspegla áskoranirnar og þarfir greinarinnar m.t.t. áframhaldandi uppbyggingar?    Hver er framtíðarsýn bleikjuframleiðenda á Íslandi?  Hvað mun takmarka vöxt greinarinnar til skemmri og lengri tíma?

Strandbúnaður er kominn með Twitter síðu.

Hægt er að sækja uppfærða dagskrá HÉR.